Velkommen til oss Geir Willy👋
Geir Willy er ein særs erfaren kar i IT-miljøet i Bergen. Han har arbeida i bank, forsikring og telekom i over 20 år, både som systemutviklar og arkitekt.
Geir Willy har oversikt over eit bredt spekter av teknologiar og vil i Kraftlauget arbeide med arkitektur, rådgiving og systemutvikling for våre kundar.
Han er ein omgjengeleg kar som finn seg til rette i dei fleste grupper. Han er heller ikkje redd for ei utfordring, og ein gang han skulle på møte i Oslo tok han like godt sykkelen frå Bergen i staden for flyet, i god Kraftlaugetånd! Geir Willy har heller aldri vore redd for å prøve nye teknologiar på privaten. Han var så tidleg ute med elbil at alle som hadde det helste på kvarandre i trafikken🚙
Ein gang han skulle på møte i Oslo tok han like godt sykkelen frå Bergen🚵♂️
I arbeidslivet tek ofte Geir Willy tekniske leiarrollar, og har gjennom sin kunnskap blitt den naturlege leiaren i mange team. Han har likevel aldri vore ansvarleg for så mange som han var den sommaren han var budeie og hadde ansvaret for 300 geiter med mjølking morgon og kveld🐐
Teknologisk trives Geir Willy best i Javaverden, men har heller ingen problem med andre teknologiar. Geir Willy er ein nysgjerrig type som har hovedfag i romfysikk, og er ikkje redd for å gruble også på utenomjordiske ting.
Han er fødd på julaftan, men er likevel blitt allergisk mot julemusikk🎄
Vi ønsker Geir Willy velkommen til Kraftlauget!!
